کراچی: امیر جماعت اسلامی کراچی حافظ نعیم الرحمن کا کہنا ہے کہ فرانس کے صدر میکرون کا ملعون بیان مغربی فکر کے مکروہ چہرے کا پردہ چاک کرتا ہے۔
امیر جماعت اسلامی کراچی حافظ نعیم الرحمن نے سماجی رابطے کی ویب سائٹ ٹوئٹر پر اپنے پیغام میں فرانس میں نبی کریم ﷺ کی شان میں گستاخی اور گستاخانہ خاکے عمارتوں پر لگانے سے متعلق کہا ہے کہ حکومت کو چاہیے کہ اپنے سفارتی اثررسوخ کو بھرپور استعمال کرتے ہوئے دنیا کو بتائے کہ پاکستان کے بچے بچے کا دل عشق رسول سے سرشار ہے۔
حافظ نعیم الرحمن کا مزید کہنا تھا کہ پاکستان کے مسلمان تو کیا غیرمسلم بھی اس شرمناک عمل کی سخت مذمت کرتے ہیں۔
جماعت اسلامی نے ریفرنڈم اور جلسے نہیں بلکہ کراچی کی خدمت کی”
کراچی: امیر جماعت اسلامی کراچی حافظ نعیم الرحمن کا کہنا ہے کہ جماعت اسلامی نے صرف ریفرنڈم اور جلسے جلوس نہیں کئے بلکہ کراچی کی خدمت بھی کی ہے.
امیر جماعت اسلامی کراچی حافظ نعیم الرحمن نے نجی ٹی وی کے پروگرام میں گفتگو کرتے ہوئے کہا ہے کہ سابق میئر کراچی نعمت اللہ خان کراچی میں گرین بس لائے تھے اور ان کے جانے کے بعد بند کردی گئی.
انہوں نے کہا کہ ایم کیو ایم کے دورمیں کراچی کی اپنی ٹرانسپورٹ کمپنی بند کردی گئی.
امیر جماعت اسلامی کراچی حافظ نعیم الرحمن کا مزید کہنا تھا کہ حکومت کی ترجیح یہ ہے کہ جب شور اٹھے تو آؤ پیکج کا اعلان کرو اورچلے جاؤ جبکہ جماعت اسلامی نے ریفرنڈم اورجلسے جلوس نہیں کئے بلکہ کراچی کی خدمت بھی کی ہے.
Comments
Post a Comment